طريقة زراعة دوار الشمس من اللب السورى خطوة بخطوة

بسم الله الرحمن الرحيم 

السلام عليكم و رحمة الله و بركاته 

 :) اهلا بيكم فى كل مكان 

   حنتكلم النهاردة عن موضوع سهل و بسيط ممكن اى حد ينفذوا و بذوره موجوده فى كل حته (حقولوكوا ازاى موجودة فى كل حتة ) ؛  

 موضوعنا النهاردة عن دوار الشمس الوردة الجميلة ديه ؛ 

حتقولى هى ينفع تتزرع فى البلكونة عندى و فى اصيص كمان ؟؟ -  

    حقولك ينفع يا سيدى و حيبقى عندنا وردة زى ديه و احسن كمان

 طيب البذور ممكن نجيبها منين ؟؟-

البذور بنجيبها من اى مقلة لب حنقوله عايزين لب سورى مش متحمص ( ني )  . بس كده   

...................................................................................................نبدااا على بركة الله 

١- دلوقتى احنا جبنا اللب السورى الى هو بذور دوار الشمس و ده شكله 

٢-  بعد كده بنحضر الاصيص او الحاجة الى حنزرع فيها الى هي ممكن تكون علبة بلاستيك بس مخرومة من تحت لتصريف الماء الزائد . و بنحط التربة بتاعتنا التربة ممكن تكون عبارة عن نص بيتموس و نص رمل (البيتموس ده تربة زراعية ) تباع عند المشاتل لو مفيش ممكن نجيب طينة من اى جنينة فى الشارع 

٣ -  بعد ما حضرنا التربة بتاعتنا و الاصرية بنسقى الاصيص كويس بالماية و نستنى لغاية مالتربة تشرب الماية كلها 

 ٤ -  بعد كده بنغرز البذور بتاعتنا فى التربة من ناحية السن المدبب عمق حوالى نصف سنتيمتر 

٥ - و اخر حاجة  بنضغط على التربة بكف اليد

٦ -  بنستى حوالى ٥  ايام بعد كده بنلاقى النبات بدا يطلع 

  
٧ -  بنحط النبات فى حتة معرذة للشمس فى البلكونة مثلا و كل يوم حنشوفه و هو بيكبر . 
نسقى ازاى ؟؟؟
بنسقى لما التربة تجف 

  بس كده احنا خلصنا ده شكل النبات تقريبا بعد شهرين  من الزراعة 

😉يارب يكون الموضوع عجبكم و تكونوا استفدنوا منه
😊 و اشوفكوا فى موضوعات تانية ان شاء الله
________________________________________________

  : تابعوا زراعة بلكونة على الفيسبوك
https://www.facebook.com/zra3ablkona/?ref=bookmarks

  : تابعوا زراعة بلكونة على اليوتيوب 
https://www.youtube.com/channel/UCuNK-MAMCtsabBrWseacy3w