**باسم الله الرحمن الرحيم **
*
*
هاتكلم معاكم النهارده في موضوع جديد
.و اللي هو شاي الكمبوست الاسم غريب عليكوا شوية تعالوا نشوف ايه شاي الكمبوست ده
ناس كتير بتشتري كمبوست. و طبعا طريقه تغذيه النبات المعروفه بالكمبوست هي خلط الكمبوست علي التربه قبل الزراعه. او وقت شتل نبات في اصيص جديد.
عموما طريقة شاى الكمبوست ديه سريعة و مفيدة و بتنجز ... واهم حاجة انها بتنجز
١
- بنحط مقدار معين من الكمبوست في علبه مثلا. و نضيف عليه مياه يتنقع فيها
مثلا خمس معالق اكل. علي كوبايتين تلاته مياه. و نسيبهم علي الاقل 24 ساعه يتنقعوا و ينزلوا المغذيات بتاعتهم تدوب في
المياه. و بعدين بنسقي بيها النبات.
مش لازم في حاجه مقفوله. لاننا مش هانخمره. احنا هاننقعه بس عشان تبقي المياه كلها مغذيات و نسقي بيها.
.
لو الكمبوست كويس. المفترض اول ما تحط عليه المياه و تقلب. بيعمل ريم خفيف. و بتبقي ريحته عامله زي التربه المبلوله بالظبط. و احلي كمان.
.
بعد 24 ساعه بتقلبه. بيطلع فقاقيع كبيره و كتير علي وش العلبه.
حلو اوي.. قلب تاني بقي بعد 6 ساعات مثلا. او تاني يوم.. هايطلع فقاقيع تاني... و هكذا..
بكده اول خطوه نعرف بيها ان الكمبوست دي كويس و متحلل و تمام اصلي.
.
انا عن نفسي بعد ما بنقعه كده يومين مثلا. بقلبه بسرعه بسرعه. و بعدين بدلق العلبه كلها علي وش التربه بتاعه الاصيص المزروع.
المياه بالمغذيات بتنزل بيستفيد منها النبات فوراً. و الباقي بيقعد علي وش التربه و كل ما اسقي بينزل منه مغذيات للزرع بردو.
موضوع الشاي ده بردو بيتعمل مع السماد البلدي المتحلل مسبقا و جاف السباخ
بس الموضوع بيبقي مختلف شويه.
.
لو الكمبوست المنقوع طلع ريحه وحشه يععععع.
يبقي ده وحش و مضروب و مش متحلل اصلا و حالته زفت. و ارميه. و ده بيبقى شكله
لو نسيته منقوع و جيت بعد كذا يوم لاقيت ريحته بقت وحشه.. ارميه.
.
المفروض ريحته بتبقي حلوه. كويسه. مقبوله. زي ريحه التراب المبلول. زي ريحه الاراضي الزراعيه المسقيه. او زي ريحه المطر.
تمام؟
اه صحيح. مش كل الزرع بنحطله شاي الكمبوست دلوقتي في الشتا البرد ده.
الحوليات الشتويه بس هي اللي ممكن نسمدها دلوقتي زى البيتونيا ديه مثلا
يعني اي زرع اشتريته من المشتل جديد اليومين دول بتاع
الموسم ده الشتوي.
ابعد عن الصبارات الله يكرمك. و الريحان كمان. و النباتات الداخليه ( الظل ).
اسقي بالشاي ده اي زرع شتوي. و بيكبر و يزدهر طبيعي اليومين دول في الشتا.
و ابعد عن اي نباتات صيفيه بتحب الحر.
هانسقيها الشاي ده بردو بس ان شاء الله علي الاقل بعد نص فبراير. لكن مش دلوقتي خالص.
يارب الموضوع يكون عجبكم و اشفكوا فى موذوعات تانية ان شاء الله
قناة زراعة بلكونة على اليوتيوب
https://www.youtube.com/channel/UCuNK-MAMCtsabBrWseacy3w
إزرعـــوا. فالزراعـــه حيـــاه.
------------------------------
ليست هناك تعليقات:
إرسال تعليق