**بسم الله الرحمن الرحيم **
اهلا بيكم فى موضوع جديدعلى مدونة زراعة بلكونة
حنتكلم النهاردة عن اكثار نبات من العصاريات الجميلة جدا ...استنوا حوريكوا صورة ليه
حنشوف بقا النهاردة طريقة اكثاره
طريقة اكثاره سهلة جدا و ان شاء الله تنجح معاكوا من اول مرة
...............يلا نبدا
١ - نجيب شتلة السيدم بتاعتنا زى ديه كده و بنجبها من اى مشتل سعرها حسب الحجم من ٨ الى ١٠ جنيه حسب الحجم
٢ - نقطع عقلة طولها ١٠ سم تقريبا زى كده
٣ - و نشيل جزء من الاوراق بحيث نجعل جزء من الساق مكشوف و عارى من الاوراق من اجل زراعته
٤- بعد كده نحضر التربة بتاعتنا مكونة من بيتموس و رمل (رمل بنسبة اكبر ) من البيتموس
٥- و بعدين نسقى التربة بتاعتنا بالماية رى غزير حتى نتاكد من خروج الماء من فتحات الصرف
٦- متقلقوش خلاص قربنا نخلص ..الخطوة الجاية ناخد العقل بتاعتنا و نغرزها فى التربة الى كنا سقينها و نضغط على التربة حواليها زى الصور كده
كده خلصنا ......يارب الموضوع يكون عجبكم
اشوفكوا فى موضوعات تانية ان شاء الله لو عايزين تشوفوا طريقة الزراعة بالفيديو على قناة زراعة بلكونة على اليوتيوب اضغط هنا
https://youtu.be/WIIMasAceqs
ده الجزء الثاني
ليست هناك تعليقات:
إرسال تعليق